PROJEKTET

Projekte të realizuara nga partnerët nga Gostivari dhe të përkrahura nga IPG-ja

 

Vardari i pastër

Projekti “Vardari i pastër për Gostivarin” është përgatitur dhe realizuar nga PPC  (Permaculture and Peacebuilding Center) dhe Denica. Qëllimi ishte që ta shëndërrojnë rrjedhën e lumit Vardar në park. PPC-ja dhe Denica punuan bashkarisht me nxënës dhe punëtorë të të gjitha grupeve etnike në realizimin e këtij projekti.
 

Ndihmë humanitare për refugjatët

Këtë projekt e përpiluan bashkarisht pesë OJQ lokale me prapavijë të ndryshme etnike (Uniteti, Meseçina, Shefkat, Denica dhe Lidhja e Gruas Shqiptare) me qëllim ofrimin e ndihmës humanitare për refugjatët e të gjitha grupeve etnike të vendosura në Gostivar. Refugjatet pranuan ushqim,mjete higjienike dhe material shkollor për fëmijët.
 

 

Emancipimi i të hendikepuarëve

Organizata humanitare UNITETI organizoi trajnime për persona që kujdesen për njerëz të hendikepuar në familjet e tyre. Nëpërmjet këshillave legjislative dhe mjekësore njerëzit që kujdeseshin për të hendikepuarit mësuan për të drejtat e tyre dhe ku të drejtohen për ndihmë. Ky projekt synonte emancipimin e personave të hendikepuar në Gostivar.

Shkolla e hendbollit

Klubi Hendbollistik ‘Gostivar 2000’ organizoi një shkollë hendbolli për 40 të rinj nga të gjitha grupet etnike. Gostivari ofron fare pak mundësi për rininë që të argëtohet gjatë kohës së lirë. Ky projekt u mundëson të rinjve të merren me sport. Njëkohësisht i bashkon të rinjtë e të gjithë grupeve etnike në kuadër të një aktiviteti duke u mundësuar të njohin njëri-tjetrin.
 

Trajnim afarist për gratë

Agjencioni për Përkrahje të Ndërmarrjeve (ESA) zgjodhi njëzet gra të papunësuara prej të gjitha grupeve etnike që jetojnë në Gostivar të cilat ishin të interesuara të fillojnë me biznese të tyre. ESA u ofroi këtyre grave një punëtori interaktive gjashtëditore me temë: “Aftësitë afariste dhe dituria e nevojshme për të filluar biznes privat”. ESA do të vazhdojë t'i ofrojë këshilla dhe t’i jeppërkrahje këtij grupi të grave në lëminë e biznesit.
 

 

Respektimi i dallimeve

Shkolla fillore ‘Petre Jovanovski’ organizoi një program për fëmijë duke i mësuar ata që t’i respektojnë dallimet dhe të shohin përtej kulturave ose bindjeve personale. Fëmijët inkurajohen që të shoqërohen me fëmijët e grupeve të tjera etnike. Programi përfshinë 30 fëmijë të moshës 10 deri 11 vjet nga të gjitha grupet etnike që jetojnë në Gostivar.
 

 

Qendra multietnike për fëmijë

Kjo qendër për fëmijë nga familje të rrezikuara sociale është një iniciativë e lidhjes së Gruas Shqiptare dhe Organizatës së Gruas Maqedone të Gostivarit. Në kuadër të kësaj qendre janë përfshirë 180 fëmijë me përkatësi etnike të ndryshme. Këtyre fëmijëve u sigurohet përkrahje psikologjike me qëllim të përmirësimin të aftësive të tyre të komunikimit. Përveç asaj, fëmijët kanë ndjekur kurse për kompjuter dhe aktivitete që rrisin kreativitetin dhe talentin e tyre.

Karnevali i Parë për fëmijë

Karnevali i Parë për fëmijë u organizuar nga Terra Amica në bashkpunim me katër shkollat fillore. Qëllimi i këtij projekti ishte që të organizoj Karnevalin për fëmijë në Gostivar. Karnevali u mbajt më 1 Qershor 2002 dhe morën pjesë më shumë se 200 fëmijë nga Gostivari. Znj. Margriet Struijf nga Ambasada e Mbretërisë së Holandës në Shkup, bëri hapjen e programit muzikor në kuadër të karnevalit. Karnevali përfundoi me koncert muzikor multietnik.

Qyteti i Borës 2002


"Qyteti i Borës 2002" u organizua nga ana e Shtëpisë së pionerit në Gostivar. Rreth 300 nxënësve me përkatësi të ndryshme etnike nga pjesë të ndryshme të Maqedonia së bashku ndërtuan Qytetin e Borës. Në hapjen solemne ishin të parnishëm mbi 1000 vizitorë (pjesa më e madhe ishin nxënës) nga vise të ndryshme të Maqedonia. Qyteti i Borës mbeti i hapur për vizitorë për shtatë ditë me rradhë.

Summer Techno Festival

"Summer Techno Festival" u organizua në Bunec, në afërsi të Gostivarit. Më shumë se 1000 të rinjë tw nacionaliteteve dhe qyteteve të ndryshme nga Maqedonia morën pjesë në këtë manifestim e cila u organizua nga OJQ multietnike "Future". Qëllimi kryesor i këtij projekti ishte që ti afrojnë të rinjt së bashkud duke marë parasysh se gjenerata e re ballafaqohet me probleme të ndryshme me pasoja për shoqërinë, dhe ndalon zhvillimin e gjeneratës së re. Për këte arsye gjatë festivalit ato organizuan aktivitete të ndryshme për të ngritu zërin kundër luftës, sidës dhe drogës.

Deri më tani, IPG-ja ka financuar 7 projekte nga partnerët lokal me shumë të përgjithshme prej 83.000 EURO.

Projektet e realizuara nga IPG

Zëri i Gostivarit

Prej tetorit  të vitit 2001, IPG ka filluar ta botojë gazetën mujore Zëri i Gostivarit në katër gjuhë: shqip, maqedonisht, turqisht dhe rome. Gazeta botohet në katër verzione gjuhësore të ndara por me përmbajtje të njejtë. Për realizimin e këtij projekti IPG ka angazhuar një ekip multietnik të gazetarëve të rinj dhe të pavarur. Gazeta përfshinë lajmet lokale nga Gostivari dhe rrethina.

më tepër ...

Shkolla Verore 2001

Me kërkesë të Misionit të OSBE-së në Shkup, IPG organizoi Shkollën Verore 2001 për 40 nxënës shqiptarë të  shkollave të mesme nga shtatë qytete të ndryshme të Maqedonisë, me qëllim të rritjes së numrit të studentëve shqiptarë në shkollimin sipëror në Maqedoni. Misioni i OSBE-së në Shkup filloi me mësime plotësuese të dedikuara për nxënësit  shqiptarë të shkollave të mesme. Si rezultat i këtij mësimi plotësues më shumë studentë e japin provimin panues për në univerzitetet në gjuhën maqedone.

Shkolla Verore 2001 ishte një shpërblim për punën e tyre të zellshme dhe pikërisht ishte organizuar që t’i argëtojë nxënësit. Përveç pjesë argëtuese nxënësve u qe mundësuar trajnim Për kompjuter, internet dhe art figurativ.

Konferenca ndërkombëtare rinore

Tre nxënës të shkollave të mesme (shqiptarë dhe maqedonë) dhe dy profesorë (poashtu shqiptarë dhe maqedonë) e përfaqësuan Gostivarin te Konferenca Ndërkombëtare ‘Modeli Kombet e Bashkuara’ në Sllovaki. Ky projekt u realizua nga vullnetarë të IPG-së dhe Peace Corps-it në Gostivar.

 

 

Videoklipi për paqë

Në  fokus të këtij videoklipi janë katër fëmijë me përkatësi të ndryshme etnike  të cilët së bashku ndërtojnë një shtëpi me lodra. Qëllimi i këtij videoklipii, i cili u emitua në të gjitha stacionet televizive lokale në Gostivar, ishte që të përcjell porosi për paqe si përgjigje ndaj krizës në Maqedoni. Videoklipi emitohej në katër gjuhë të ndryshme: maqedonisht, shqip, turqisht dhe në gjuhën rome.
 

Fushata për parandalimin e drogës

Së bashku me organizata joqeveritare lokale, shkollat, policinë, sektorin shëndetësor dhe social, IPG realizon projektin ‘Parandalimi i drogës dhe zvogëlimi i dëmit nga përdorimi i drogës në Gostivar”. Qëllimi kryesor është të aftësohet një grup njerëzish me përkatësi të ndryshme etnike nga Gostivari që të zhvillojnë aktivitete të përhershme për parandalimin e drogës nëpër shkolla. Këtë grup e përbëjnë pedagog e psikologë që punojnë nëpër shkollat e Gostivarit, punëtorë socialë, mjekë dhe studentë.
 

 

Gostivari i pastër

Një mjedis më i pastër për qytetarët e Gostivarit është pikësynimi i një iniciative tjetër të IPG-së. Ky projekt do të realizohet së bashku me nxënësit e klubeve ekologjike të shkollave të mesme. Qëllimi i parë është të bëhet pastrimi dhe rehabilitimi i parqeve të Gostivarit. Qëllimi i dytë është që të vetëdijësohen qytetarët e Gostivarit për problemet e ambientit jetësor në qytetin e tyre.

Ndërtimi i objekteve sportive

IPG-ja financon ndërtimin e objekteve sportive në afërsi të shkollave të ndryshme fillore dhe të mesme në Gostivar. Të hollat për këtë projekt janë siguruar nga ‘Fondacioni Ëild Geese' nga Holanda.

Seminare

IPG-ja organizoi dy seminare në Strugë për rreth 40 partnerë lokalë nga të gjithë nacionalitetet. Trajnimin e realizuan ekspertë të agjencionit ESA nga Gostivari.

 

 

Nata e Perëndive

Tre aktorë nga Gostivari (shqiptar, maqedon, dhe turk) organizuan tetë shfaqje për nxënësit dhe qytetarët e Gostivarit të lojës teatrale "Nata e Perëndive". Çdo njeri nga aktorët gjatë shfaqjes flet në gjuhen e vet amtare. Qëllimi i këtij projekti ishte të stimuloj aktivitetet kulturore në Gostivar të cilat thuajse janë shuar.

Univerziteti i punëtorve

Universiteti i punëtorve si institucion edukativ, vazhdimisht ndjek nevojat e qëytetarëve për edukim, sidomos për mësim e gjuhëve. Interesimi për të mësuar gjuhën shqipe në Gostivar është gjithnjë në rritje. Shumë përfaqsues të OJQ-e dhe institucioneve kontaktuan univerzitetin e punëtorëve për mundësinë e hapjes së kurseve për mësimin e gjuhës shqipe. Rreth 60 anëtar jo- shqiptar na Gostivari ndjekin këtë kurs intensiv. Pjesa e madhe janë të punësuarit në administratë, OJQ-e , si dhe ndërmarrje të ndryshme private në Gostivar.

^{© Inter Ethnic Project Gostivar 2002. All Right Reserved.}

 ^Webmaster